آزربایجانیمیز

آزربایجان وار اولسون ایسته میین کور اولسون -- آزربایجان زنده باد کور باد هر آنکه نتواند دید

HOMEPAGE

E-MAIL

RASHIDA

یارپاق اولوب تورپاغینا تؤکولسم،


تورپاق اولوب سئل‌لرین له سؤکولسم،


سئل- سئل اولوب دریا‌لارا تؤکولسم،

 
دویماز گؤزوم، دویماز یئنه بو ائلدن.


قایا کیمی شیمشک‌لره دؤزوم مو؟

 
شیمشک اولسام، آز عؤموردن بئزیم می؟


عؤمور کئچیب، کئچیب اگسه دیزیمی


دویماز گؤزوم، دویماز یئنه بو ائلدن.


ساحيل اولوب دالغا‌لارلا اوولسام،


دالغا اولوب کولک‌لرله قوولسام.


کولک اولوب سما‌لارا سورولسام،


دویماز گؤزوم، دویماز یئنه بو ائلدن.


چئشمه کیمی دامجی- دامجی سوزولسم،


دامجیلانیب چیچک‌لره دوزولسم،


چیچک اولوب واخت‌لی، واخت‌سیز اوزولسم،


دویماز گؤزوم، دویماز یئنه بو ائلدن

حورمتلی دوستوم علی آقا عزیزی جنابلارینین اجازه

 

سینن  بوقطعه شعری اونلارین وبلاگیننان بوردا

 

گئتیردیم 


 

+ نوشته شده در جمعه ششم دی 1392ساعت 22:33 توسط شهاب |


آذربایجان مقدس دیر مقدس بیر عابیده

آذربایجان قالمالی دیر قالاجاخ تا ابده

چوخ نا محرم اینسانلار وار گوز تیکیب لر بویئره

بیلسین لر کی بیزیم توپراق وئریلمز بیر احده

ساوالانین بولاقلاری بیر وئرگیدی تانریدان

دویماق اولماز سویون ایچسون گونده اون مین دفعه ده

تاریخ بویی چوخ طوفانلار فیرتینالار گورووبدور

یاغیلارا باش اگمییوب باش اگمز بیر دفعه ده

+ نوشته شده در پنجشنبه بیست و هشتم آذر 1392ساعت 19:48 توسط شهاب |


اوچور ايلهاميم او قوشلار کيمي کي

ياز وعده سينده

قووزانير ماوي گؤيه تا اوجا باش بير داغا قونسون

کؤرپه قارتال کيمي دير

گاه چکيلير گوزده ن ايتينجه ک

اگله نير گاه ساوالان عشقينه – آغدان – آغاقونسون

هر اوجا داغ کي گؤرورسن باشي قاردا آغاراندي

اورا بيل کي ساوالاندي

آمما يوخ !

هر اوجا داغ کی سسيمي السا دا تئز قئيته ره جکدي

سسي قئيته رمک همان يئل بيله جکدي

آخي يئل يولچودو گئتگين اوکي سؤز ساخلايا بيلمز

يئل سؤزو قاپدي قاچيردار اونو کيم هاخلايابيلمز

يئل گئدرگيندي پيچيللارسؤزوکوللار قولاغيندا

سؤزو قربان ائله ير قيرنادا قانقال آياغيندا

چئويره ر سؤز چاناغيندا

جالايارداغلارا هر بير سؤزو مين سؤز تؤره دندي

بيلميرم سيرري ندندي

يئل گئده ر گيندي يئلي ساخلاماق اولماز

يئله بئل باغلاماق اولماز

آمما سن اي سؤزو سينه نده کؤزردن ساوالانيم

کيم گله صدقله زرتشت بئجردن ساوالانيم

ائليمين شانلي داغي باشيوه مين لرجه دولانيم

اريديب ائل غمي بير يول سني کؤکدن ده تالانسان

سئل اولوب قانلي دنيز لر کيمي دونيايه جالانسان

آدي ديللرده قالاناسان

ساوالانسان ، ساوالانسان

ساوالان ائل غميني بللي دي ساخلار سينه سينده

سينه سي کؤزدو آلودور گيزيريک اينسي سي واردير نفسينده

شاعرين غملي سه سينده آلگيلان ساخلاسن اي ائل داغي غملي

قفسينده

ساوالان آلسادا هر سيرري سؤزو داغلارا سالماز

گؤره نامرد دوروبدور ساوالاندان سس اوجالماز

ساوالاندا تؤکولن داشلاري ديندير دانيشاللار

سالسا عاشيق نفسين کوللارا کوللارآليشاللار

ده ده قود سازي چالسا

ده لي دومرول باش اوجالدار

بلي البته کي يولداس باشيني يولداش اوجالدار

سسله عاشيق سازي چالسين

سسي ميز بيرده اوجالسين

اويناماق لز گي يه دؤنسون

کاس شوشم گوزگويه دؤنسون

قوي وئره ک سس سسه باهم اوخوياق بير ده کوراوغلو دلي سيندن

هجرين قوچ نبي سيندن

اوکي ظاليملري مظلولارين اوستونده ازه ردي

او کي آسلان کيمي داغلاردا ياتيب باغدا گزه ردي

اوخو عاشق اوخو

سن بيل او کي تانري تانييبسان

سؤزومه دوز جالييبسان

سوموگوم قوي سازا گلسين

بولبولوم آوازا گلسين

يازميشام ايوازا گلسين

گوچ آلاق قوي دلي لردن

باج آلاق اجنبي لردن

او کي بيلمير نبي کيمدير قويون آذرائليني مسخره سانسين

بير عؤمور دورکي فضولي ني –  نسيمي ني دانيب ايندي ده دانسين

شهريار تک سن اوجالت باشيوي قوي عرشه دايانسين

قوي باخار کور تر ايچينده جوموبان اؤلسون – اوتانسين

اوکي آخساخدي يوبانسين

اوکي تورکون ديلين اسگيتمه گه تصويره ساليبدير

اوکي تورکون بالاسين ايندي ده آشغالچي سانيبدير

او تفاله بيليرم فيکيريني طاغوتدان  آ ليبدير

او رژيمدندي قاليبدير

يوخسا تورکون بالاسيندا نه چيخيب علامه ي دوران

اونا دونيا باش ا يير فلسفه ده

بير جه نه ايران

قوي دئييم شهرياريمدان

نيسگيل او چرچي يه قالسين کي جواهر نه دي ، قانمير

فيکري آللاتما دادير خالقي ،ائلين حالينه يانمير

اريمير ، اؤلمور ، اوتانمير

آخي اي قاردا ، دوماندا باش اوجالدان ساوالانيم

غمي ، دونيا ني قوجالدان ساوالانيم

ائل بيلير داغلار آرا هراوجا داغلار باشي سن سن

وئرسهنده اليوي قارداشيوين سير داشي سن سن

وئر گيلن بير ليک الين بيرده دماونده اونون يولداشي سن سن

اوندان آيريلما آماندي

يولوموز چندي دوماندي

قوي ايگيدلر سيزه فخر ائيله ييبن باشین اوجالتسين

قويما قارتال دولانان يئر لره قوز غون الي چاتسين

ساوالان چنلي چاغيندا

منيم ايلهاميم اولارکن

کؤنلوم اؤز سرري سؤزون صدق ايله سؤيلر ساوالانه

ساوالان کؤز قالادار شاعر اولانلار سينه سينده

اوردا زرتشت گئيب تانريدان ايلهامين آلانه اگيرم باش ساوالانه ، اگيرم باش

 ساوالانه

                                                                               «اوستاد هوشنگ جعفری زنگانلی»

+ نوشته شده در سه شنبه بیست و ششم آذر 1392ساعت 1:25 توسط شهاب |


 

چاغيرين

 

چاغيرين جنگه پلنگي

اؤنهنگ اوغلونهنگي

اوخوسون بير ده لي هنگي

گنه هئي هئي سسي گلسين

اغ اتين شيهه سسي گلسين

 

چاغيرين سئل كيمي جوشسون

ساوالان مارشي ني قوشسون

ده لی قارتال کیمی جوشسون

گویده قارتال سسی گلسین

غ اتين شيهه سي كلسين

 

چاغيرين واخت قاراليبدي

نچه شئعرداردا قاليبدي

دوره سين دوشمان آليبدي

دوسلارين كهنه سي گلسين

آغ آتين شيهه سي گلسين

 

سوزوكسكيندي قليشدان

گؤج آلير ائل بوچيخيشدان

قازانيرشانلي يئغيشدان

ائليمين اؤز سسي گلسين

آآغ آتين شيهه سي گلسين

 

چاغيرين تابلو ياراتسين

لالاني قاردا اوياتسين

ائلينين باشين اوجالتسين

اوجالاردان سسي گلسين

آغ آتين شيهه سي گلسين

 

چاغيرين اوت قالاسينلار

ائلديريمتك شاخاسينلار

ياشاسينلار ياشاسينلار

ده ده قورقود سسي گلسين

آغ آتين شيهه سي گلسين

 

آرخاسين آرخالياق بيز

بيرده تونقال قالياق بيز

ظلمي كوكدن تالياق بيز

بابكين نعره سي گلسين

آغ آتين شيهه سي گلسين

 

اؤلوب اؤزخاقينا وورقون

بغضدان سينه سي توتقون

اولا جاق سونراسی اویغون 

قورتولوش نغمه سي گلسين 

آغ آتین شئهه سی گلسین

چاغيرين اوزلري گلسين

قلمي سوزلري گلسين

حسن نين گوزلري گلسين

گنه قارداش سسي گلسين

 آغ آتین شیهه سی گلسین

 آغ آتین شیهه سی گلسین

+ نوشته شده در سه شنبه بیست و ششم آذر 1392ساعت 1:18 توسط شهاب |


قوْیۇن محکوم اوْلۇم میللت‌چی‌لیگــه،


دونیادا میلله‌تین سئومه‌یـن کیمـدیـر؟!


دیلیـن، ائلیـن یـۇردۇن تـالان ائتسـه‌لر


آجێ‌یێب باشینـا دؤیمـه‌ین کیمــدیـر؟!


مـن دئمیـره‌م اۆستـۆن نیژاددانــام من


دئـمیــره‌م ائللــریم ائللــرده‌ن باشـدێ


منیــم مسلکیمـــده منیـــم یـوْلۇمـــدا،


میللت‌لر هامێسێ دوْستدۇر، قارداشدێر


آنجاق بیر سؤزۆم وار : من ده اینســانـام


دیلیـم وار ، خالقیم وار ، یۇردۆم یۇوام وار،


یئـردن چێخمـامێشـام گـؤبـــه‌لـک کیمـی


آدامـــام حــاققیـــم وار ائــلیـــم اوْبــام وار

+ نوشته شده در سه شنبه نوزدهم آذر 1392ساعت 20:45 توسط شهاب |


سرزمین قوم باایماندی آذربایجان


افتخار و عزّت ایراندی آذربایجان


قوی مخاطب ایلیم اؤز مولکومو اؤز یوردومو


قوی دئیوم جانیم سنه قرباندی آذربایجان


قهرمانلار بسلیوبسن ادلی سانلی دهریده


مرحبا اوغلانلارون اصلاندی آذربایجان


سنده عصمت درسین اؤرگتدی سارایلار عالمه

ایندیده سئللر اونا حیراندی آذربایجان


یا علی دوشمز دیلیمدن من قیزیل باش اوغلویام


شاهیم عالمده شه مرداندی آذربایجان

آزربایجان آدین ائشیدیب دویان هر آزربایجانلیا  آزربایجان احترامی نا         آیاغا قالخماق

واجب دیر

+ نوشته شده در پنجشنبه چهاردهم آذر 1392ساعت 20:14 توسط شهاب |


من سنی اونودا بیلمیره م، آخی

اونوتسام نه لری اونودام گره ک؟

گؤی‌لره باخمیشیق آی لی گئجه‌ده

اونوتسام گؤی‌لری اونودام گره ک!

 

دنیزی اونودوم، یا دالغا‌لاری

خاطيره ن یادیم‌دان چیخایدی باری

پاییزدا خزانی، قیشداسا قاری

باهاردا گول‌لری اونودام گره ک!

 

دئ نئجه اونودوم من سنی نئجه؟

سئوگی دورنا دییل پاییزدا کؤچه!

یوخوما گلیرسن منیم هر گئجه

آیلاری، ایل لری اونودام گره ک!

 

سنین خیالین‌دیر حسرتله باخان

آدین‌دیر هر ساعات قارشیما چیخان

قاریشیب شکلینه گؤزوم‌ده ن آخان

یاغیشی، سئل‌لری اونودام گره ک!

 

سینه مده پئشمان اوره ییم قالدی

اوچدون اللریمده لئليیم قالدی

نه لری ایتیریب، باخ نه ییم قالدی

نه لری، نه لری اونودام گره ک!

 

نصرت کسمنلی

+ نوشته شده در جمعه هشتم آذر 1392ساعت 21:45 توسط شهاب |


گئتمک ایسته ییر سن

گئتمک ایسته ییر سن

 

گئتمک ایسته ییر سن

بهانه سیز گئت

اؤیاتما مورگولو خاطره لری

سسین همان سسدیر

باغیشین اؤگئی

گئدیرسن، سسین ده یاد اولسون باری ...

 

سن دنیز قوْینونا توللانمیش چیچک

اوستونه دالغالار آتیلاجاقدیر

ساختا محبتین

ساختا سند تک

نه واقتسا اوستونده توتولاجاقدیر.

 

دؤشه نیب یوْ للار تک آیاقلارینا

سنه یالواریم می ...

بو مومکون دَییل!

قوْیمارام قلبیم تک ووقاریم سینا

آلچالیب یاشاماق عؤمور-گون دییل.

دئمیرم سن اوجا بیر داغسان اَییل

دئمیرم علاجیم قالیبدیر سنه

نه سنده محبت قارا پول دییل

نه من دیلَنچییم، اَل آچیم سنه!

 

گئتمک ایسته ییر سن، اوْ یؤل، اوْ دا سن

بیر جوت گؤز باخاجاق آرخانجا سنین

گئتدین می، نه واختسا دؤنمک ایسته سن

تیکانلی یاستیغا دؤنَجک یئرین

گئتمک ایسته ییر سن ...

نه دانیش، نه دین!

یوْخ اوْل اوزاقلارتک دوماندا، چن ده...

نه ییمی سئومیشدین؟

دییه بیلمدین،

ایندی یوز عیب گؤرورسن منده.

«نصرت کسمنلی»

+ نوشته شده در جمعه هشتم آذر 1392ساعت 21:44 توسط شهاب |


گئتمک ایسته ییر سن

گئتمک ایسته ییر سن

 

گئتمک ایسته ییر سن

بهانه سیز گئت

اؤیاتما مورگولو خاطره لری

سسین همان سسدیر

باغیشین اؤگئی

گئدیرسن، سسین ده یاد اولسون باری ...

 

سن دنیز قوْینونا توللانمیش چیچک

اوستونه دالغالار آتیلاجاقدیر

ساختا محبتین

ساختا سند تک

نه واقتسا اوستونده توتولاجاقدیر.

 

دؤشه نیب یوْ للار تک آیاقلارینا

سنه یالواریم می ...

بو مومکون دَییل!

قوْیمارام قلبیم تک ووقاریم سینا

آلچالیب یاشاماق عؤمور-گون دییل.

دئمیرم سن اوجا بیر داغسان اَییل

دئمیرم علاجیم قالیبدیر سنه

نه سنده محبت قارا پول دییل

نه من دیلَنچییم، اَل آچیم سنه!

 

گئتمک ایسته ییر سن، اوْ یؤل، اوْ دا سن

بیر جوت گؤز باخاجاق آرخانجا سنین

گئتدین می، نه واختسا دؤنمک ایسته سن

تیکانلی یاستیغا دؤنَجک یئرین

گئتمک ایسته ییر سن ...

نه دانیش، نه دین!

یوْخ اوْل اوزاقلارتک دوماندا، چن ده...

نه ییمی سئومیشدین؟

دییه بیلمدین،

ایندی یوز عیب گؤرورسن منده.

«نصرت کسمنلی»

+ نوشته شده در جمعه هشتم آذر 1392ساعت 21:44 توسط شهاب |


چوخ کچمیشم بو داغلاردان

دورنا گوزلی بولاقلاردان

ائشیتمیشم اوزاقلاردان

ساکت آخان آرازلاری

سینامیشام دوستی، یاری ... 

ائل بیلیرکی، سن منیمسن

یوردوم، یووام، مسکنیمسن

آنام، دوغما وطنیمسن!

آیریلارمی کونول جاندان؟

آذربایجان، آذربایجان! 

من بیر اوشاق، سن بیر آنا،

اودور کی، باغلیام سانا

هانکی سمته، هانکی یانا

هی اوچسام دا یووام سنسن،

ائلیم، گونوم، اوبام سنسن! 

فقط سندن گن دوشنده،

آیریلیق مندن دوشنده،

ساچلاریما دن دوشنده،

بوغار آیلار، ایللر منی،

قیناماسین ائللر منی 

داغلارینین باشی قاردیر،

آغ ئورپگین بولوتلار دیر،

بویوک بیر کچمیشین واردیر،

بیلینمه ییر یاشین سنین

نه لر چکمیش باشین سنین 

دوشدون اوغورسوز دیللره،

نحس آیلارا، نحس ایللره،

نسل لردن نسل لره

کچن بیر شهرتین واردیر

اوغلون، قیزین بختیاردیر ... 

هی باخیرام بو دوزلره،

آلاگوزلی گونددوزلره،

قارا خاللی آغ اوزلره،

کونول ایستر شعر یازا،

گنجله شیرم یازا- یازا ... 

بیر طرفین بحر خزر،

یاشیل باش صونالار گزر،

خیالیم دولانار گزر،

گاه موغانی، گاه ائلداری،

منزل اوزاق، عمر یاری! 

سیرا داغلار، گن دره لر،

اورک آچان منظره لر،

جیران قاچار، جویور مه لر،

نه چوخدور اویلاغین سنین!

آرانین، یایلاغین سنین! 

کچ بو داغدان، بو آراندان،

آستارادان، لنکراندان،

آفریقادان، هندوستاندان

قوناق گلیر بیزه قوشلار،

ظلم الیندن قورتولموشلار ... 

بویرلرده لیمون ساری،

اگیر، سالیر بوداقلاری

داغلارینین دوم آغ قاری

یارانمیشدر قارلی قیشدان،

بیر سنگردیر یارانیشدان 

لنکرانین گلی رنگ- رنگ،

یوردوموزین قیزلاری تک،

دمله چایی، توک ویر گورک،

آنامین دلبر گلینی!

یادلارا آچما الینی! 

ساری سنبل بیزیم چورک،

پامبوغمیز چیچک- چیچک،

هر اوزومدن بیر شیره چک

سحر- سحر آج قارینا

قوت اولسون قوللارینا 

مین قازاخدا کوهلن آتا،

یالمانینا یاتا- یاتا

آت قان تره باتا- باتا

گوگ یایلاقلار بئلینه قالخ،

کپز داغدان گوگ گوله باخ! 

ای آزادگون، آزاد انسان،

دویونجا ایچ بو بهاردان!

بیزیم خاللی خالچالاردان

سر چنارلار کولگه سنه

آلقیش گونش ئولکه سنه! 

کونلوک کچیر قاراباغدان،

گاه بو داغدان، گاه اوداغدان،

آخشام اوستو قوی اوزاقدان

هوالانسین خانین سسی،

قارا باغین شکسته سی 

گوزل وطن، معنان درین،

بشیگیسن گوزللرین!

عاشق دییه ر سرین- سرین،

سن گونشین قوجاغیسان،

شعر، صنعت اوجاغیسان 

ئولمز کونول، ئولمز اثر،

نظامی لر، فضولی لر!

الین قلم، سینه ن دفتر،

دی گلسین هرنه یین واردیر،

دییلن سوز یادگاردیر 

بیر دون بیزیم باکی یه باخ،

ساحللری چراغ- چراغ،

بوروقلارین هایقیراراق

نعره سالیر بوز چوللره،

ایشیقلانیر هر داغ، دره 

نازلاندیقجا سرین کولک،

ساحللره سینه گرک،

بیزیم باکی- بیزیم اورک!

ایشیقدادیر قوت سوزی،

سحرلرین اولکر گوزی 

گوزل وطن! اوگون کی، سن

آل بایراقلی بیر سحردن

الهام آلدین، یاراندیم من

گولور تورپاق، گولور انسان

قوجا شرقین قاپیسی سان! 

دینله منی، گوزل وطن!

بیرسوز گلیر اورگیمدن:

خلقیمیزین عشقیله سن

گوله جکسن هر بیز زمان،

آذربایجان، آذربایجان! 

شعر: صمد وورغون، 1935 میلادی ایلی

+ نوشته شده در چهارشنبه بیست و نهم آبان 1392ساعت 13:14 توسط شهاب |